აქტივისტი მარიამ მეყანწიშვილი შიმშილობას იწყებს. როგორც ის სოციალურ ქსელში წერს, პროტესტის უკიდურეს ფორმას მანამდე გააგრძელებს, ვიდრე გუშინ დაკავებულ, აფხაზეთიდან დევნილ 71 წლის აზა ჩილაჩავას არ გაათავისუფლებენ.
„ვუერთდები ქალბატონ აზას და მასთან ერთად ვიწყებ შიმშილს! გავაგრძელებ იქამდე სანამ მას ტყვეობიდან არ გაათავისუფლებენ! დაგვიბრუნეთ აზა ბებო“, - წერს მეყანწიშვილი.
ცნობისთვის, აზა ჩილაჩავა სამართალდამცავებმა ადმინისტრაციული წესით გუშინ დააკავეს. მას გზის ხელოვნურად გადაკეტვას ედავებიან. მოგვიანებით ცნობილი გახდა, რომ მან მშრალი შიმშილობა დაიწყო. ჩილაჩავა ადმინისტრაციულ პასუხისგებაში აქამდეც იყო მიცემული, თუმცა, მას მაშინ სიტყვიერი შენიშვნა გამოუცხადეს.
