ზემო მლეთის მოსახლეობა ძლიერმა წვიმამ კიდევ ერთხელ დააზარალა.გუშინ ღამით, ადიდებული მდინარე არაგვის წყალი სოფლის 15 ოჯახს სახლში შეუვიდა.
ადგილობრივი თვითმართველობის წევრების განცხადებით, წყალდიდობისგან დაზარალებულ 10-დე ოჯახს ალტერნატიულ მიწის ნაკვეთებს მისცემენ და სხვა საცხოვრებელ ადგილზე გადაასახლებენ. მოსახლეობა ამ პროცესის დაჩქარების მოთხოვნით გამოდის.
შეგახსენებთ, რომ სოფლეი ზემო მლეთა 24 აპრილს მეწყერის ჩამოწოლის შედეგადაც დაზარალდა, რასაც წინ სამდღიანი გადაუღებელი წვიმები უძღვოდა.
