საარჩევნო ადმინისტრაციის მიერ შემუშავებულ ეთიკის კოდექსს "ლეიბორისტულმა პარტიამ" ხელი არ მოაწერა.
აღნიშნულთან დაკავშირებით "ლეიბორისტებმა" საგანგებო განცხადება გაავრცელა.
"ლეიბორისტები" განმარტავენ, რომ პარტიიდან საარჩევნო კომისიის წევრები ხელისუფლების მიერ შეთავაზებულ ე.წ ეთიკის კოდექსს, რომელსაც არანაირი სამართლებრივი დატვირთვა არ გააჩნია, ხელს არ მოაწერენ.
"ეთიკის კოდექსზე ხელის მოწერით ხელისუფლება თურმე აპირებს სამართლიანი, მიუკერძოებელი არჩევნების ჩატარებას. სწორედ მათ მიერ დანიშნული კომისიის წევრები, რომლებიც აბსოლუტურ უმრავლესობას წარმოადგენენ საარჩევნო კომისიებში, ურცხვად, ყოველგვარი ეთიკის ნორმების დარღვევით ტოტალურად აყალბებენ არჩევნებს, განსხვავებით ჩვენი კომისიის წევრებისგან, რომლებიც კანონის შესაბამისად მოქმედებენ და აქტიურად იბრძვიან გაყალბების წინააღმდეგ", - აღნიშნულია განცხადებაში.
ამასთან, მათი შეფასებით, საარჩევნო კოდექსის შეცვლამდე და საარჩევნო კომისიების პარტიტეული წესით დაკომპლექტებამდე არც ერთ ეთიკის კოდექსზე ხელმოწერას აზრი არ აქვს.
