შეწყალების კომისიის თავმჯდომარის, ზვიად ქორიძის დაკითხვა მთავარ პროკურატურაში დღეს 5 საათზე გაგრძელდება. ადვოკატის განცხადებით, ქორიძე მზად არის პროკურატურას ამომწურავი ინფორმაცია მიაწოდოს. გამოძიება სისხლის სამართლის კოდექსის 339-ე პრიმა მუხლის მე-2 ნაწილით მიმდინარეობს, რაც ზეგავლენით ვაჭრობას გულისხმობს. პროკურატურა საქმით შეწყალების კომისიის ყოფილი თავმჯდომარის, ალეკო ელისაშვილის განცხადების საფუძველზე დაინტერესდა. ელისაშვილი განმარტავს, რომ მაშინ, როდესაც კომისიას ხელმძღვანელობდა, მასზე მაღლჩინოსნების მხრიდან ზეწოლა ხორციელდებოდა.
