იუსტიციის მინისტრის მოადგილის, ალექსანდრე ბარამიძის ინფორმაციით, მთავრობა და მთავარი პროკურატურა დათმობაზე მიდიან, რომ „სისხლის სამართლის საპროცესო კოდექსიდან“ 371-ე პრიმა მუხლი ამოვიდეს, რომელიც ურთიერთსაწინააღმდეგო ჩვენებისთვის სისხლის სამართლის პასუხისმგებლობას ითვალისწინებს.
როგორც დღევანდელ რიგგარეშე სხდომაზე ბარამიძემ განაცხადა, სამოქალაქო სექტორიც მიიჩნევდა, რომ ეს მუხლი ამოღებულიყო.
„საბოლოო ჯამში, პროკურატურა და მთავრობამ იმ აზრზე არიან, რომ დათმობაზე წავიდნენ და ამოღებული იქნას ეს მუხლი, მაგრამ იმ პირობოთ, რომ კოდექსში 370-ე მუხლი დარჩება, რომელიც პასუხისმგებლობაა ცრუ ჩვენებისთვის. ცრუ ჩვენებისთვის სანქციები გამკაცრდება იმ მიზნით, რომ საზოგადოებას ცრუ შთაბეჭდილება არ შეექმნას, რომ თითქოს, პასუხისმგებლობა ცრუ ჩვენებისთვის უქმდება“, - დასძინა ბარამიძემ.
ფრაქცია „რესპუბლიკელები“ კოდექსიდან აღნიშნული მუხლის ამოღებას ითხოვდა, წინააღმდეგ შემთხვევაში, ცვლილებების მხარდაჭერას არ აპირებდა.
