ოპოზიციონერი დეპუტატი მიხეილ მაჭავარიანი „ნაციონალური მოძრაობის“ დიდ შეცდომად თვლის, რომ ხელისუფლებაში ყოფნის დროს, მათ რეგიონალურ-პროპორციული ან პროპორციული საარჩევნო სისტემა საბოლოოდ მიღება ვერ შეძლეს.
როგორც დღევანდელ რიგგარეშე სხდომაზე მაჭავარიანმა განაცხადა, ნაციონალების ამ შეცდომას ახლა ოპოზიცია და მოსახლეობა იმკის.
მისი თქმით, საქართველო ერთადერთი ქვეყანა იყო, სადაც დეპუტატები ერთ პალატაში მაჟორიტარული და პროპორციული სისტემით ერთად იყვნენ არჩეულნი.
„დეჟა ვუ“ დამემართა. ნუთუ, ჩვენც ასეთები ვიყავით, როცა გამოვდიოდით და მაჟორიტარულ სისტემას ვიცავდით? - რეგიონალურ-პროპორციული ან პროპორციული საარჩევნო სისტემა საბოლოოდ მიღების პოლიტიკური ნება რომ არ გვქონდა, ამას არავის ვაბრალებ და ჩემი მეგობრებისგან განსხვავებით, არ მწყინს, როცა ცხრა წელს იხსენებთ“, - მიმართა უმრავლესობას მაჭავარიანმა.
