პროკურატურიდან გამოსვლის შემდეგ სამარცხვინო უწოდა ალეკო ელისაშვილმა მთავარი პროკურორის მოადგილის გიორგი გოგაძის მიერ დღეს გაკეთებულ განცხადებას.
როგორც ცნობილია, გოგაძემ საკრებულოს დეპუტატი სიცრუის გავრცელებაში დაადანაშაულა და წელიწადნახევრის წინ პატიმრების შეწყალების შესახებ მისგან არანაირი ინფორმაცია არ მიუღია.
„ძალიან სამარცხვინო პერსონაჟი აღმოჩნდა გოგაძე, რომელიც ამაოდ იღებდა ხელფასს. საშვებია დაფიქსირებული, ბადაშვილთან კაბინეტში რომ შევედი ვიდეო კამერას ექნებოდა გადაღებული და ა.შ.“ - განმარტავს ალეკო ელისაშვილი.
მისი მტკიცებით, ის უშუალოდ გოგაძემ აიყვანა ბადაშვილთან და იმ შეხვედრას ესწრებოდით სამივე. დეპუტატის თქმით, მან შეხვედრისას საგამოძიებო ორგანოს ძალიან სერიოზული ინფორმაცია.
„მათ სხვა არხებიდანაც მიაწოდეს ინფორმაცია, ვინაიდან, ამ დღეებში მოხდება ყველას დაკითხვა, მათ შორის იმ ადამიანების, ვინც ზუსტად მიაწოდა ინფორმაცია და მათ ყური არ შეიბერტყეს და არ დაიწყეს გამოძიება, აბა ახლა რას იტყვის, ის არის გადასული თავდაცვის პოზაში და მას არ აღმოაჩნდა არც მოქალაქეობრივი შეგნება, ის არც პროკურორია რეალურად, როგორც ქვეყანას ჭირდება, სამარცხვინო ადამიანია,“ - განაცხადა ალეკო ელისაშვილმა.
დეპუტატი ყოფილი მთავარი პროკურორის გიორგი ბადაშვილის და მთავარი პროკურორის მოადგილის გიორგი გოგაძის მხრიდან გულგრილობის ფაქტზე გამოძიების დაწყებას ითხოვს
