ალეკო ელისაშვილს დღეს მთავარ პროკურატურაში ელოდებიან. როგორც შეწყალების კომისიის ყოფილი თავმჯდომარე ამბობს, კონკრეტული პატიმრების შეწყალების მოთხოვნით მასზე ზეწოლა ხორციელდებოდა. მისი სიტყვებით, პოლიტიკოსები კონკრეტული მსჯავრდებულების საქმის კრიტერიუმების გარეშე განხილვით იყვნენ დაინტერესებულები. საკრებულოს წევრი კორუფციულ სქემებზე საუბრობს და აპირებს პროკურატურას დეტალური ინფორმაცია მიაწოდოს. პროკურატურასთან ითანამშრომლებს პატიმართა შეწყალების სახელმწიფო კომისიის მოქმედი თავმჯდომარეც. ზვიად ქორიძე ამჯერად თბილისში არ იმყოფება, თუმცა ამბობს, რომ დაბრუნდების შემდეგ პროკურატურას თავად დაუკავშირდება.
