ლაშა მახარაძის მკვლელობის საქმეზე ბრალდებულ გიორგი ოქროპირიძის პროცესზე, ბრალდების ერთ-ერთი მთავარი მოწმე ვლადიმერ ბერძენიშვილი დაიკითხა.
მისი თქმით, 2014 წლის 2 სექტემბერს ლაშა მახარაძეს სწორედ გიორგი ოქროპირიძემ ესროლა.
მოწმემ განაცხადა, რომ გასროლის შემდეგ, მან ოქროპირიძეს ორი იარაღი დაუნახა.
,,მრგვალი ბაღის მიმართულებით წავედით. შავი პატარა იარაღი ეჭირა. მითხრა, სამი დღე ეცადე, დაიმალო, მე გავიქცევი და მერე მოყევი რაც მოხდა, შენ არაფერ შუაში ხარო. რომ ვკითხე მიზეზი, რატომ ესროლა - რაღაც წაიტლიკინაო. შემდეგ გადავიდა. დაგირეკავო, მითხრა და გაიქცა. გადავედი. მინდოდა დავწეოდი, მაგრამ, ვეღარ ვნახე. არ ვიცოდი, რა მექნა. ბაგებში წავედი. მეგობარ შოთა გირკელიძის ავტოფარეხში დავაყენე მანქანა, ტელეფონი ეგრევე გამოვრთე და ყაზბეგში წავედი ტაქსით. ყაზბეგში გავიგე ლაშა მახარაძის მკვლელობის ამბავი ტელევიზორით. იმ ღამითვე წამოვედი უკან. უნდა ჩავბარებულიყავი და იმავე დღეს ფასანაურში დამაკავეს“, - განაცხადა ბერძენიშვილმა.
მისივე თქმით, თვითმმართველობის არჩევნების დღეს ლაშა მახარაძესა და გიორგი ოქროპირიძეს შორის კამათი მოხდა, რის შემდეგაც მან ოქროპირიძე ნაცემი ნახა.
სასამართლო მოწმის ნაცნობობითაც დაინტერესდა, რაზეც ბერძენიშვილმა განმარტა, რომ შს ყოფილი მინისტრის ალექსანდრე ჭიკაიძის მამა მისი დის ნათლიაა, თუმცა პირდად არ იცნობს. რაც შეეხევა პრემიერ-მინისტრს მან განაცხადა, რომ ირაკლი ღარიბაშვილთან ნაცნობობა არ აკავშირებს.
მოწმეს კითხვით ბრალდებულმაც მიმართა: „ღამე როგორ გძინავს? შენი ჩვენებით ვარ დაჭერილი.“ რაზეც ბერძენიშვილმა უპასუხა, რომ იგი თავისი საქციელის გამოა დაჭერილი.
ამის პასუხად, მოწმემ განაცხადა, რომ ოქროპირიძე თავისი საქციელის გამოა დაჭერილი.
შეგახსენებთ, დღეისათვის იგეგმებიდა ლაშა მახარაძის დედის დაკითხვაც, თუმცა სავარაუდოდ ნინო დიდებულიძის დაკითხვა გადაიდება.
