„ნაციონალური მოძრაობა“ 2016 წლის საპარლამენტო არჩევნების პარტიული სიის დაკომპლექტების წესზე იანვარში ჩამოყალიბდება.
როგორც „ჯი-ეიჩ-ენს“ ოპოზიციონერმა დეპუტატმა, მიხეილ მაჭავარიანმა განუცხადა, პარტია შეთანხმდა, რომ იანვარში, პოლიტსაბჭოს სხდომაზე იმსჯელებენ იმაზე, საარჩევნო სია როგორი უნდა იყოს.
მაჭავარიანი ამბობს, რომ მას საარჩევნო სიის დაკომპლექტების წესის თაობაზე აკაკი ბობოხიძის იდეა მოსწონს, თუმცა, თუ რას ეხება აღნიშნული წინადადება, დეპუტატი ამის დაკონკრეტებისგან თავს იკავებს.
„ჩვენს გუნდს ვინც დასჭირდება, სიაში ის იქნება. სიაში იქნებიან გამოცდილი ადამიანები თუ ახალი სახეები, ეს დაკონკრეტდება. რაციონალიზმის მომხრე ვარ, მაგრამ ახალ ადამიანებს ის გამოცდილება უნდა მისცე, რაც აუცილებელია. მე ისეთ გადაწყვეტილებას მივიღებ, რაც ჩემს გუნდს დასჭირდება“, - დასძინა მაჭავარიანმა.
