საქართველოს მართლმადიდებელი ეკლესიის წინამძღვრის ინიციატივას პატრიარქისთვის პატიმართა შეწყალების უფლების გადაცემის შესახებ პარლამენტის თავმჯდომარე დავით უსუფაშვილი "გაუგებრობას" უწოდებს.
„ეს არის სახელმწიფოს მეთაურის პრეროგატივა,“ - ამბობს უსუფაშვილი და ელოდება მეტ განმარტებებს პრემიერისგან, რომელმაც გუშინ მსჯელობის დაწყებისკენ პარლამენტსა და პრეზიდენტს წერილობით უკვე მოუწოდა.
„მე მაინცდამაინც არ მახსენდება შემთხვევა სახელმწიფოს მეთაურის გარდა ვინმეს ჰქონდეს ეს ძალიან მძიმე ტვირთი. უფრო შესაძლებელია ჩართულობაზე იყოს საუბარი და არა რაიმე უფლების ვინმესთვის გადაცემაზე ან გაყოფაზე. მე არ მახსენდება ასეთი კონსტიტუციური მოდელი. მგონი მცირე გაუგებრობასთან გვაქვს საქმე იმიტომ, რომ მე არ ვიცი პრეცედენტი როდესაც რაიმე სხვაგვარად არის დარეგულირებული - შეწყალება როგორც სასჯელისგან გათავისუფლება, ეს არის სახელწმიფოს მეთაურის პრეროგატივა,“ - განაცხადა დავით უსუფაშვილმა.
