ლაშა მახარაძის მკვლელობაში ბრალდებული გიორგი ოქროპირიძის სასამართლო პროცესი 7 დეკემბერს განახლდება.
ნაფიცი მსაჯულების პირობებში მიმდინარე დღევანდელ სხდომაზე მხარეებმა შესავალი სიტყვა წარმოთქვეს. სიტყვა თქვა ბრალდებულმა გიორგი ოქროპირიძემაც.
ლაშა მახარაძის დედამ, ნინო დიდებულიძემ პროცესის დასრულების შემდეგ განაცხადა, რომ მახარაძე ყველაფერ აკეთებს რათა ნაფიც მსაჯულებზე ზეგავლენა მოახდინოს.
,,ოქროპირიძემ თავის თავზე ილაპარაკა, რა კარგი ბიჭია, როგორი ხუთოსანია და როგორი სპორტსმენია. ტყუილებით გაავსო დარბაზი. ხალხი სიცილით გადიოდა დარბაზიდან. დღეს, როგორც ჩანს, მაგის დღე იყო. ძველებურად აპელირებს, ვითომ აბრალებს ვინმე მკვლელობას. ჩვენ ვითომ მომზადებულები ვართ, როგორ გავუშვათ ციხეში. არავის არაფერს არ ვაბრალებთ. ადამიანი მკვლელია. თავგამოდებით იცავს თავს იმიტომ, რომ გასაგებია, მეორე შემთხვევაა, მეორე მკვლელობაა, არ უნდა ციხეში წასვლა არაფრით და თავისი მოკლე ჭკუით, ყველანაირად ცდილობს, ყველაფერს კადრულობს, რომ გავლენა მოახდინოს ნაფიცებზე” , - განაცხადა დიდებულიძემ.
მისივე თქმით, ეჭვიც არ ეპარება, რომ სამართლიანი განაჩენი დადგება.
შემდეგი პროცესი 7 დეკემბერს ჩაინიშნა, სადაც საქმის ერთ-ერთი მთავარი მოწმე ლაშა მახარაძის დედა დაიკითხება.
