პარლამენტის ადამიანის უფლებათა დაცვის კომიტეტის სხდომაზე მოწმეთა დაკითხვის წესის თაობაზე მსჯელობენ.
დეპუტატებს „სისხლის სამართლის საპროცესო კოდექსში“ შესატან ცვლილებებს იუსტიციის მინისტრის მოადგილე ალექსანდრე ბარამიძე აცნობს.
მისი თქმით, კომპრომისული ვარიანტი შემუშავდა.
„ერთის მხრივ, პირს ვალდებულება არ ექნება, საგამოძიებო ორგანოებში გამოცხადდეს და გამომძიებელს, პოლიციელს ჩვენება მისცეს. ამის სანაცვლოდ, ე.წ. გამოკითხვის ინსტიტუტი ამოქმედდება - როდესაც პირი, საკუთარი სურვლის შემთხვევაში, უფლებამოსილია, საგამოძიებო ორგანოს წარმომადგენელს ინფორმაცია მისცეს, მაგრამ ინფორმაციის მიცემის ვალდებულება არ ექნება. თუკი გამომძიებელს დასაბუთებული ვარაუდი აქვს, რომ პირმა მომხდარი დანაშაულის შესახებ იცის, მაგრამ ამის მიუხედავად, გამოძიებასთან არ თანამშრომლობს და გამოკითხვაზე უარს ამბობს, პროკურორის, გამომძიებლის შეამდგომლობით, ასეთი პირი შეიძლება მაგისტრატ მოსამართლესთან დაიკითხოს. ეს კომპრომისული ვარიანტი, ერთის მხრივ, უზრუნველყოფს მოწმის უფლებას, რომ საგამოძიებო ორგანოში მისი დაბარება, დაკითხვა შესაძლებელი არ იქნება“, - დასძინა ბარამიძე.
