საქართველოს პრემიერ მინისტრის ნიკა გილაურის მრჩევლად ბიზნესის ინტერესების დაცვის საკითხებში გიორგი პერტაია დაინიშნა. პრემიერის ახალი მრჩეველი ჟურნალისტებს დღეს მისი პრესსამსახურის უფროსმა ნიკო მჭედლიშვილმა წარუდგინა.
"გიორგიმ წარმატებით დაამთავრა ბიზნესსკოლა ამერიკაში და MBI-ს ხარისხი აქვს. ის კარგად არის ცნობილი როგორც ქართულ, ასევე უცხოურ ბიზნეს წრეებში და მისი მთელი კარიერა ბიზნესის გარშემო ტრიალებს. მისი მოსვლით ჩვენს გუნდში ხელი კიდევ უფრო უნდა შეეწყოს ბიზნესისა და მთავრობის ურთიუერთობას. მის კომპეტენციაში იქნება სწორედ ბიზნესის წინაშე მდგარი პრობლემების მთავრობამდე მიტანა" - ნათქვამია ნიკა გილაურის განცხაბაში, რომელიც მისმა პრესსამსაუხრის უფროსმა გაახმოვანა.
შეგახსენებთ, რომ ნიკა გილაურმა რამდენიმე დღის წინ ქართველ ბიზნესმენებთან შეხვედრის დროს გაახმოვანა ახალი ინიციატივა, ახალი თანამდებობის შექმნის შესახებ, რომელიც კიდევ უფრო გააადვილებდა ბიზნესისა და მთავრობის ურთიერთობას.
რაც შეეხება გიორგი პერტაიას, რამდენიმე წლის წინ იგი ამერიკის სავაჭრო პალატის ვაჭრობისა და ტრანსპორტის კომიტეტის თავმჯდომარე მუშაობდა და მისი მთავარი ფუნქცია ბიზნესის ინტერესების დაცვა იყო. ამასთან პერტაიას ნამუშევბარი აქვს USID-სა და ევროკავშირის პროეტებზე. ცოტა ხნის წინ დაამთავრა დასავლეთ ილინოისის უნივერსიტეტის ბიზნეს სკოლა და მაგისტრის ხარისხი მიიღო. ასევე ნამუშევარი აქვს ამერიკაში კომპანიებში დამოუკიდებლელ ექსპერტად. იგი საქართველოში სამი კვირის წინ დაბრუნდა.
