ე.წ. კორტების საქმეზე, განაჩენი 30 ოქტომბერს 12:00 საათზე გამოცხადდება. ამის შესახებ მოსამრთლე ბადრი კოჭლამაზაშვილმა დღევანდელ პროცესზე განაცხადა.
მისი განმარტებით, საქმე საკმაოდ მოცულობითია, ეხება ხუთ ბრალდებულს, გაიმართა 30-ზე მეტი სასამართლო სხდომა და განაჩენის გამოსატანად მას სჭირდება დრო.
განაჩენის გამოცხადებას არ დაესწრებიან ბრალდებულები გიორგი ცააძე და ლევან ბეროძე. ისინი განაჩენს ციხეში დაელოდებიან.
ე.წ. კორტების სპეცოპერაციის საქმეზე ძალოვანი უწყებების ყოფილი მაღალჩინოსნები კახბერ ნაკანი, ირაკლი ფირცხალავა, ლევან ბეროძე, გიორგი ცააძე და გრიგოლ კვინიკაძე არიან ბრალდებულები. დაკავებულებს პატიმრობის ვადა 2 ნოემბერს ეწურებათ.
სასამართლომ აღნიშნულ საქმეს ოთხი თვე მოანდომა.
