ე.წ „კაბელების საქმეზე“ სასამართლო განხილვა დღეს განახლდება. პროცესი კვლავ ბრალდების მხარის მტკიცებულბათა გამოკვლევას დაეთმობა. დაცვის მხარე ბრალდებას უსაფუძვლოს უწოდებს და აცხადებს, რომ აქამდე წარმოდგენილი მტკიცებულებების საფუძველზე რაიმე მამხილებელი ფაქტი არ გამოკვეთილა. პროცესი საქალაქო სასამართლოში 12 საათზე დაიწყება. საქმეში ბრალდებულია თავდაცვის სამინისტროს 4 მოქმედი და ერთი ყოფილი თანამშრომელი. მათ ბრალად სილქნეტის სასარგებლოდ 4 მილიონ ლარზე მეტი თანხის გაფლანგვა ედებათ.
