ე.წ. “კორტების სპეცოპერაციის“ ხელმძღვანელი პირების წინააღმდეგ სისხლის სამართლის საქმის განხილვა დასკვნით ეტაპზე გადავიდა. შესაძლოა განაჩენი დღესვე გამოცხადდეს. ეს მას შემდეგ მოხდება, რაც ბრალდებულები საბოლოო სიტყვას წარმოთქვამენ და მოსამართლე სათათბიროდ გავა. ბრალდების მხარემ თავისი დასკვნითი სიტყვა წინა სასამართლო სხდომაზე თქვა. საქმეზე ბრალდებულნი არიან ძალოვნი უწყების ყოფილი მაღალჩინოსნები, მათ შორის, კრიმინალური პოლიციის უფროსის ყოფილი მოადგილე ირაკლი ფირცხალავა. კორტების სპეცოპერაციას ზურაბ ვაზაგაშვილი და ალექსანდრე ხუბულოვი ემსხვერპლნენ.
