ალექსი ახვლედიანის მთავარ პროკურატურაში დაკითხვა 4 საათს გაგრძელდა. ევროპის ახალგაზრდული ოლიმპიური ფესტივალის, "თბილისი 2015"-ის საორგანიზაციო კომიტეტის თავმჯდომარე რუსთავი 2-ის გენერალური დირექტორის მიერ გავრცელებულ ინფორმაციასთან დაკავშირებით იკითხებოდა. ახვლედიანს ჟურნალისტებთან გამოძიების დეტალებზე არ უსაუბრია, თუმცა აღნიშნა, რომ ვრცელ კომენტარს ნიკა გვარამიასთან შეხვედრის შემდეგ გააკეთებს. მისივე თქმით, გვარამია მისი მეგობარია და "რუსთავი 2-ში ეს, ალბათ, მისი მეასე ვიზიტი იყო.”
