ტელეკომპანია „რუსთავი 2“-ის გენერალური დირექტორი ნიკა გვარამია პროკურატურაში დაკითხვაზე იმ პირის დაასახელებს, რომელმაც გუშინ მთავრობის მუქარა გადასცა. ამის სესახებ გვარამიამ ჟურნალისტებთან საუბრისას განაცხადა. მისივე თქმით, ეს პირი პირადად პრემიერ-მინისტრმა ირაკლი ღარიბაშვილმა მიუგზავნა.
,,პირი, რომელსაც მე დავასახელებ - თავად ის, რა თქმა უნდა, არ მემუქრება. ის არის ჩემი მეგობარიც და მთავრობის მეგობარიც. ის უბრალოდ, შემონათვალს გადმომცემს და ეს პირველი შემთხვევა არ არის. ბევრი შემთხვევა ყოფილა ასეთი. ის პირი ჩემთან საურთიერთობოდ, პირდაპირ გეუბნებით, ირაკლი ღარიბაშვილმა გამოუშვა. ერთ-ერთი შეხვედრის დროს, თუ არ ვცდები, პრეზენტაცია იყო მათი ერთწლიანი მოღვაწეობის, შეგიძლიათ კადრებიც ამოიღოთ, რომელშიც ვსაუბრობთ პირდაპირ. მან მითხრა, რომ ეს ადამიანი გადმომცემდა ხოლმე, რას ფიქრობს მთავრობა.ზუსტად ამ პირს ველაპარაკე მე და ამის ვიდეოკადრებიც არის, მისი შესვლა-გამოსვლის და ამ ყველაფერს წარვუდგენ პროკურატურას“, - განაცხადა გვარამიამ.
გვარამია პროკურატურაში 12:00 საათზე უნდა გამოცხადდეს.
