იუსტიციის მინისტრის მოადგილის, სანდრო ბარამიძის ინფორმაციით, ევროკომისიის ანგარიშში მითითება არის იმის შესახებ, რომ ქართული კანონმდებლობა გადაიხედოს ათი წლის ვადით დანიშნული მოსამართლეების ხელახლა გამწესების შემთხვევაში, მათ მიერ გამოსაცდელი ვადის გავლის თაობაზე.
ევროკავშირის მითითებებზე სანდრო ბარამიძემ პარლამენტის სამი კომიტეტის გაერთიანებულ სხდომაზე ისაუბრა, სადაც ამ წუთებში, ასოცირების ხელშეკრულების შესრულების პროცესზე მსჯელობენ.
ბარამიძის განცხადებით, შესაბამისი ცვლილებება კანონდებლობაში შეტანილი იქნება და ის მოსამართლეები, რომლებიც ერთხელ უკვე იყვნენ მოსამართლეები და ათწლიანი ვადა ამოწურეს, გამოსაცდელ ვადას აღარ დაექვემდებარებიან.
„იმ პირების მიმართ გამოსაცდელი ვადა დარჩება, რომლებიც სისტემაში ახლახანს მოვიდნენ, რადგან იუსტიციის უმაღლესი საბჭომ და საზოგადოებამ უნდა იცოდნენ, ვინ ინიშნება მოსამართლედ“, - დასძინა ბარამიძემ.
