5500,25 ლარის ღირებულების ოქროს ნაკეთობების კანონდარღვევით შემოტანის მცდელობა გამოავლინეს 17 ოქტომბერს, საბაჟო გამშვები პუნქტის, „სადახლო-საავტომობილოს“ მებაჟე ოფიცრებმა. პუნქტის კონტროლის ზონაში შემოსული სომხეთის მოქალაქე ო.ა.-ის კუთვნილი ხელბარგის ეჭვის საფუძველზე დათვალიერებისას, მათ საერთო წონით 106,71 გრამი არადეკლარირებული ოქროს ნივთები აღმოაჩინეს.
იმავე დღეს, საბაჟო გამშვები პუნქტის, „გუგუთის“ ტერიტორიაზე სომხეთის რესპუბლიკის მხრიდან შემოვიდა რუსეთის ფედერაციის მოქალაქე ნ.გ., რომლის კუთვნილი ბარგისა და პირადი დათვალიერების შედეგად შემოსავლების სამსახურის თანამშრომლებმა ასევე არადეკლარირებული ოქროს ნაკეთობები აღმოაჩინეს. საქონლის ღირებულებამ შეადგინა 3347,94 ლარი.
საგადასახადო კოდექსის 289-ე მუხლის მე-10 ნაწილის თანახმად, ორივე მგზავრს სანქციის სახით შეეფარდა ფულადი ჯარიმა, შესაბამისად, 5500,25 ლარისა და 3347,94 ლარის ოდენობით.
