მოსამართლის აცილების სამართლებრივი საფუძველი არ არსებობს, - ამის შესახებ რუსთავი 2-ის საქმის მოსამართლემ, თამაზ ურთმელიძემ აღნიშნა და მოპასუხე მხარის შუამდგომლობის დაუკმაყოფილებლობაზე განმარტებები გააკეთა.
ურთმელიძის განცხადებით, მისი მეუღლის თვალსაზრისს ნიკა გვარამიასთან დაკავშირებით იგი არ იზიარებს.
"მირანდა გურგენიძის განცხადება გამოწვეული იყო ნიკა გვარამიას განცხადების საპასუხოდ, რომლის მიხედვითაც, მან მოსამართლეს უწოდა კორუმპირებული და თქვა, რომ თვითმკვლელობას მოაწერა ხელი მოსამართლემ, რომ მას არ მისცემს საქართველოში დარჩენის საფუძველს და ა.შ. ამაზე იყო სავარაუდოდ მირანდა გურგენიძის რეაქცია. მის თვალსაზრისს მე არ ვიზიარებ, თუმცა იგი არ არის მოსამართლე. თუკი რაიმე კონკრეტული პრეტენზია გაგაჩნიათ მირანდა გურგენიძესთან დაკავშირებით, შეგიძლიათ მიმართოთ შესაბამის სამსახურს", - განაცხადა მოსამართლემ თამაზ ურთმელიძემ.
რაც შეეხება დედის ფაქტორს, მოსამართლემ განმარტა, რომ მდინარა გიორგიბიანი არ ითვლება მისი ოჯახის წევრად.
მისი თქმით, იგი არ ყოფილა დაინტერესებული დედის, მდინარა გიორგობიანის საქმით და ადვოკატისგან მიიიღო ინფორმაცია, რომ სიძის შეურაცხყოფის შემდეგ მოხდა აფექტური ქცევა, რაც იყო მსუბუქი ფაქტი და უნდა მომხდარიყო განრიდების პრცედურიათ ამ საქმის დასრულება. მოსამართლემ განაცხადა, რომ მას ეგონა, აღნიშნული საკითხი უკვე გადაწყვეტილი იყო და მხოლოდ ბოლო პერიოდში გაიგო იმის შესახებ, რომ საქმე არ იყო დასრულებული.
"მოსამართლის მიბმა პროკურატურის ტყვეობასთან არის უსაფუძვლო, იქიდან გამომდინარე, რომ ეს საქმე არის კერძო დავა და ამაში არ არის ჩართული პროკურატურა", - აღმიშნა რთმელიძემ.
ამასთან, მისი თქმით, მაღალი თანამდებობის პირების მხრიდან გაკეთებული განცხადებები, სასამართლოზე გაკეთებული განცხადებები სასამართლოზე გავლენას ვერ მოახდენს.
შეგახსენებთ, მოსამართლის თვითაცილების შეუამდგომლობა რუსთავი 2-ის ადვოკატებმა დღეს დააყენეს. მათ შუამდგომლობას ამავე ტელეეთერით გასული სიუჟეტები დაურთეს, რომელშიც მოსამართლის დედის მიერ ჩადენილ დანაშაულზეა საუბარი. მოპასუხე მხარემ ასევე წარადგინა იუსტიცის მინისტრის თეა წულუკიანისა და მანანა კობახიძის განცხადებები. ასევე ურთმელიძის მეუღლის, გურანდა გურგენიძის ფეისბუქზე გაკეთებული პოსტები, სადაც იგი რუსთავი 2-ის მიმართ კრიტიკულია. მოპასუხე მხარე მიიჩნევს, რომ თამაზ ურთმელიძე არის მიკერძოებული.
