პარლამენტის იურიდიულ საკითხთა კომიტეტის დღევანდელ სხდომაზე საპროკურორო საბჭოს წევრობის კანდიდატებზე იმსჯელებენ.
კანდიდატებს შორის დასახელებულია ადვოკატი ირმა ჭკადუა, რომელიც პარლამენტს „საქართველოს ადვოკატთა ასოციაციამ“ წარუდგინა.
ჭკადუას გარდა, საგანმანათლებლო დაწესებულებების მიერ, საბჭოს წევრად წარდგენილნი არიან - ლავრენტი მაღლაკელიძე და პოლიკარპე მონიავა.
„პროკურატურის შესახებ“ კანონით, პარლამენტმა საპროკურორო საბჭოს ორი წევრი კონკურსის წესით უნდა შეარჩიოს.
