"ეროვნული საბჭოს" თბილისის მერობის კანიდადატის ძვიად ძიძიგურის განცხადებით, გუშინ მის სახლთან მომხდარი ინციდენტის დროს იგი ნასვამ მდგომარეობაში არ იმყოფებოდა. ამის შესახებ ძიძიგურმა დღევანდელ ბრიფინგზე განაცხადა.
მისი თქმით, 6 მაისი მან და მისმა თანამებრძოლებმა საპროტესო აქციებზე გაატარეს და შესაბამისად "გიორგობის" დღესასწაულის აღნიშვნა ვერ მოახერხა.
"არ ვყოფილვარ ნასვამ მდგომარეობაში, გუშინ მთელი დღის განმავლობაში ჩვენ ვიყავით პოლიტიკურ საქმიანობაში და ვერ მოვასწარით ისიც, რომ "გიორგობის" დღეს თითო ჭიქა ღვინო დაგველია", განაცხადა ძიძიგურმა.
შეგახსენებთ, რომ "ეროვნული საბჭოს" მერობის კანდიდატის საცხოვრებელ სახლთან წუხელ ინციდენტი მოხდა. მმართველი გუნდის აქტივისტების მტკიცებით, ისინი ჩოლოყაშვილის ქუჩაზე "ნაციონალური მოძრაობის" კანდიდატების პლაკატებს აკრავდნენ, როცა მათთან ზვიად ძიძიგური მივიდა, ჯერ სიტყვიერი, შემდეგ ფიზიკური შეურაცხყოფა მიაყენა, მოგვიანებით კი მათი მიმართულებით 4-ჯერ გაისროლა.
