ქუთაისში "რუსთავი 2-ის" მხარდამჭერ აქციაზე დაკავებულები საპატიმროში შიმშილობენ.
ნიკა ნარსია, მირიან დეისაძე და კახა გაბუნია ამ ფორმით სამართალდამცველების ქმედებას და აქციაზე საკუთარი აზრის გამოხატვისთვის მათ დაპატიმრებას აპროტესტებენ.ოფიციალურად ბრალი ჯერჯერობით არც ერთ მათგანს წარდგენილი არ აქვს.
დაკავებულებს შოლოდარობას უცხადებენ აქციის სხვა მონაწილეები. 5 ადამიანი მხარდაჭერას ქუთაისის მერიის წინ შიმშილობით გამოხატავს. ისინი რუსთავი 2-ის მხარდამჭერ აქციაზე დაკავებული პირების გათავისუფლებას მოითხოვენ. მოშიმშილეები აცხადებენ, რომ შიმშილობას მანამდე არ შეწყვეტენ, სანამ არ გაათავისუფლებენ დაკავებულ 3 პირს.
რუსთავი 2-ის მხარდამჭერები - ნიკა ნარსია, მირიან დეისაძე და კახა გაბუნია - გუშინ დააკავეს. მათ ბრალი 239-ე მუხლის მეორე ნაწილით წაუყენეს რაც ხულიგნობას გულისხმობს და 4-დან 7 წლამდე პატიმრობას ითვალისწინებს.
შეგახსენებთ, რომ 2 ოქტომბრის აქციის მონაწილეებსა და დეპუტატ დავით ლორთქიფანიძეს შორის სიტყვიერი და ფიზიკური დაპირისპირება მოხდა, რომლის დროსაც დეპუტატს პიჯაკი შემოახიეს.
