თბილისის საქალაქო სასამართლოს მოსამართლე თამაზ ურთმელიძემ ,,რუსთავი 2” -ის ადვოკატების არცერთი შუამდგომლობა არ დააკმაყოფილა.
მათ პროცესის დაწყებისას მოსამართლის აცილების შესახებ შუამდგომლობა დააყენეს, რასაც ქიბარ ხალვაშის მხარე შეეწინააღმდეგა. მოსამართლემ საკუთარი თავი არ აიცილა და იგი კვლავ გააგრძელებს აღნიშნული საქმის განხილვას.
რაც შეეხება მეორე შუამდგომლობას, იგი პროცესის გადადებას ეხებოდა, რადგან მას ტელეკომპანიის გენერალური დირექტორი ნიკა გვარამია და მტავარი იურისტი არ ესწრებოდნენ.
,,რუსთავი 2” - ის ადვოკატებმა ასევე მოითხოვეს, რომ აღნიშნული საქმის მოსამართლეთა კოლეგიის მიერ განხილვა მომხდარიყო, თუმცა მოსამართლემ არც ეს შუამდგომლობა დააკმაყოფილა.
"მე ვფიქრობ, რუსთავი 2 ცდილობს თავის რეჟიმზე ამყოფოს სასამართლო", - განაცხადა მოსამართლე ურთმელიძემ.
