სამხედრო ნეტრალიტეტის მოთხოვნით, პრეზიდენტის რეზიდენციასთან "ერეკლე მეორის საზოგადოების" მიერ ორგანიზიებულ აქციაზე ერთი პირი დააკავეს. მან იმ ლოზიუნგებისა და გამოსვლების მიმართ გამოხატა პროტესტი რომელსაც "ერეკლე მეორის საზოგადოების" წევრები აფიქსირებენ. შედეგად, ფიზიკური დაპირისპირება მოხდა.პოლიციამ სიტუაცია განმუხტა, ერთი პირი მანქანაში ჩასვეს და განყოფილებაში გადაიყვანეს.
შეგახსენებთ, ,,ერეკლე მეორის საზოგადოება" რუსეთთან დიპლომატიური ურთიერთობების აღდგენას მოითხოვს და პრეზიდენტს მოუწოდებენ, ამ მიზნით მოსკოვში ჩავიდეს და რუს კოლეგას შეხვდეს. აქციის მონაწილეები აცხადებენ, რომ საჭიროა ქვეყანამ სამხედრო ნეიტრალიტეტი გამოაცხადოს, ნეიტრალიტეტის გამოცხადებაზე კი მთავარი პასუხისმგებელი პირი საქართველოს პრეზიდენტია.
ტერიტორიაზე მობილიზებულია პოლიციის რამდენიმე ათეული ეკიპაჟი.
