ბორჯომის რაიონის სოფელ საკირეს მიმდებარე ტერიტორიაზე, წიწვოვან ტყეში გაჩენილი ხანძარი ლიკვიდირებულია.
შსს-ს საგანგებო სიტუაციების მართვის სააგენტოს ინფორმაციით, ბორჯომის საგანგებო სიტუაციების მართვის სამსახურის მეხანძრე-მაშველები შემთხვევის ადგილზე ოპერატიულად გამოცხადდნენ. ხანძრის ჩაქრობის პროცესში სულ მონაწილეობდა 6 სახანძრო-სამაშველო მანქანა და 160-ზე მეტი მეხანძრე-მაშველი.
თბილისიდან ხანძრის ქრობის განყოფილებიდან დამატებით 5 კაციანი ჯგუფი გაიგზავნა. ადგილზე მობილიზებული იყო დამატებით ჯგუფები ახალციხის, ასპინძის, ახალქალაქის, ქარელის, კასპის, გორის, ხარაგაულის და ხაშურის დანაყოფებიდან.
