დედაქალაქის ყოფილ მერს ადვოკატი ბექა ბასიალია ე.წ. მატროსოვის ცეხეში შეხვდა. ბასილაიას თქმით, უგულავამ კიდევ ერთხელ აღნიშნა, რომ მის მიმართ პოლიტიკურად მოტივირებული საქმე მიმდინარეობს.
„გიგი უგულავა არის პოლიტიკურო პატიმარი და ეს უკვე დადასტურებული ფაქტია, ამას დამატებითი იურიდიული ექსპერტიზა არ სჭირდება. ჩვენ ყველა სამართლებრივი მექანიზმით ვეცდებით, რომ ის უკანონო პატიმრობიდან დავიხსნათ. თვითონ არის ძალიან მხნედ, ძალიან პოზიტიურად განწყობილი და არის საბრძოლო განწყობაზე. განაჩენს გავასაჩივრებთ და დარმწმუნებული ვარ, ობიექტური სასამართლოს პირობებში, ჩვენ გავიმარჯვებთ“, - განაცხადა ბასილაიამ.
თბილისის საქალაქო სასამართლომ 18 სექტემბერს გიგი უგულავა „თბილსერვისჯგუფის“ საქმეზე დამნაშავედ ცნო. მოსამართლის გადაწყვეტილებით, უგულავას საბოლოო ჯამში, ოთხი წლითა და ექვსი თვით თავისუფლების აღკვეთა მიესაჯა. ამასთანავე, რიყის ეპიზოდზე სასამართლომ უგულავა დავით კეზერაშვილთან ერთად გაამართლა.
