„ტელეიმედისა“ და რიყის ტერიტორიის გასხვისების საქმეზე გიგი უგულავას სახაზინო ადვოკატი ზაქრო გვიშიანი აცხადებს, რომ დაცვის მხარე მზად არის, „თბილსერვისის“ ეპიზოდზე დასკვნითი სიტყვა წარადგინოს.
გვიშიანის განმარტებით, ამის შემდეგ სასამართლო რეპლიკების ეტაპზე გადავა და ადვოკატი იმედოვნებს, რომ მოსამართლე ბრალდებულ გიგი უგულავას დასკვნითი სიტყვის წარმოსათქმელად გონივრულ ვადას განუსაზღვრავს.
სასამართლო პროცესი აღნიშნულ საქმეზე 12:00 საათზეა ჩანიშნული. ამ დროისთვის იგეგმება ასევე გიგი უგულავას მხარდამჭერთა აქცია სასამართლოსთან.
