საკონსტიტიუციო სასამართლოს გადაწყვეტილების გამოცხადებისთანავე ე.წ. მატროსოვის ციხესთან ყოფილი მერის, მეგობრები და მხარდამჭერები შეიკრიბნენ. უგულავას ადვოკატები საკონსტიტუციო სასამართლოს გადაწყვეტილების სარეზოლუციო ნაწილის ჩაბარებას, მატროსოვის ციხის ადმინისტრაციაში ცდილობდნენ, თუმცა დაწესებულების წარმომადგენელმა დაცვის მხარეს განუცხადა, რომ კანცელარია უკვე დაკეტილი იყო. შეკრებილები გიგი უგულავას დაუყოვნებლივ გათავსუფლებას ითხოვდნენ. საქართველოს საკონსტიტუციო სასამართლომ თბილისის ყოფილი მერის, გიგი უგულავას სარჩელი ნაწილობრივ დააკმაყოფილა. პროცესს პლენუმის 8 წევრი ესწრებოდა. სხდომაზე არ გამოცხადდა მოსამართლე მერაბ ტურავა. საკონსტიტუციო სასამართლომ გაიზიარა მოსარჩელის არგუმენტი, რომ სადავო ნორმა იმაზე მეტი ვადით უშვებს პირის პატიმრობაში ყოფნას, ვიდრე ეს კონსტიტუციით არის ნებადართული. გადაწყვეტილება გამოცხადების წუთიდან ძალაშია, თუმცა როგორც საკონსტიტუციო სასამართლოში განმარტეს, აუცილებელია ის საკანონმდებლო მაცნეში აისახოს.
