ოზურგეთში "ნაციონალური მოძრაობის" სამი აქტივისტი – ილია მალაზონია, დავით მჟავანაძე და ბესო ქათამაძე დააკავეს.
ცენტრალურ მოედანზე, სადაც „ალეგრობის“ სახალხო დღესაწაული იწყება, „ერთიანი ნაციონალური მოძრაობის“ წევრებმა მრავალსართულიან საცხოვრებულ კორპუსზე ბანერი წარწერით: „მატყუარა მთავრობა“ გამოფინეს. სამართალდამცველებმა ბანერი ჩამოხსნეს და მისი გაკვრისთვის სამი პირი დააკავეს.
"გავაკარით ბანერები, რომელშიც აღვნიშნეთ, რომ ის დაპირებები, რომელიც ხელისუფლებამ გასცა არ შესრულდა და ეს ხელისუფლება არის მატყუარა", - განაცხადა ერთერთმა დაკავებულმნა , დავით მჟავანაძემ.
ირაკლი ღარიბაშვილის ვერტმფრენი ოზურგეთის ცენტრალურ სტადიონზე რამდენიმე წუთის წინ დაეშვა. დღეს „ალეგრობას“ ზეიმობს. ზეიმი 14:00 საათზე იწყება. სახალხო დღესასწაულს პრემიერ-მინისტრი ირაკლი ღარიბაშვილი დაესწრება.ბანერი სამართალდამცველებმა ჩამოხსნეს.
