ეკონომიკური განვითარების სამინისტრო ფინანსთა სამინისტროს ყოფილ შენობას აუქციონზე მეორედ გამოიტანს.
განცხადება აუქციონის ჩატარების შესახებ პრივატიზაციის დეპარტამენტის ვებ-გვერდზეა გამოქვეყნებული.
განცხადების თანახმად, ი.აბაშიძის #70-ში მდებარე შენობა-ნაგებობები და 7 613 კვ.მ მიწის ნაკვეთის საწყისი გასაყიდი ფასი ამჯერად 5 მლნ აშშ დოლარს შეადგენს. აუქციონი 1 ივნისს ჩატარდება.
პირველად ობიექტი აუქციონზე 23 აპრილს უნდა გაყიდულიყო, თუმცა, ეკონომიკის სამინისტროში აღნიშნული ობიექტის შესყიდვაზე განაცხადი არავის წარუდგენია. პირველად მისი საწყისი გასაყიდი ფასი 6 მლნ აშშ დოლარს შეადგენდა.
