გურჯაანის საქალაქო სასამართლოში, თელავი-გურჯაანის მაგისტრალზე დაკავებული მევენახეების სასამართლო პროცესი მიმდინარეობს. მათ ადმინისტრაციული კოდექსის 173-ე მუხლის დარღვევას ედავებიან, რაც პოლიციელის კანონიერი მოთხოვნის დაუმორჩილებლობას გულისხმობს.
დღევანდელი აქციის მონაწილეებმა დაკავებულების მხარდასაჭერად გურჯაანის საქალაქო სასამართლოსთან გადაინაცვლეს.
გურჯაანში, თელავი-გურჯაანის მაგისტრალზე მევენახეებსა და პოლიციელებს შორის ფიზიკური დაპირისპირება რამდენიმე საათის წინ მოხდა. შსს-ს ინფორმაციით დაკავებულია 2 ადამიანი.
თელავი-გურჯაანის მთავარი მაგისტრალი მევენახეებმა დღეს გადაკეტეს. კახეთში რთველი 2015 გუშინ, საპროტესტო აქციის ფონზე დაიწყო. კახეთში უკვე გაიხსნა ოთხი ქარხანა - ყველა მათგანი სახელმწიფო ან მის მიერ დაქირავებულია. ქარხნების წარმომადგენლები ამბობენ, რომ ფასის გადახედვას არ აპირებენ.
თეთრ ყურძენს სახელმწიფო 60 თეთრად, შავს კი 85 თეთრად იბარებს.
