გურჯაანში, თელავი-გურჯაანის მაგისტრალზე მიმდინარე აქციაზე მევენახეებსა და პოლიციელებს შორის ფიზიკური დაპირისპირება მოხდა. შედეგად სამართლდამცველებმა რამდენიმე პირი დაადაკავეს, ნაცემია აქციის რამდენიმე მონაწილე.
გლეხები განსაკუთრებულ უხეშობაში პოლიციელ გიორგი ნასყიდაშვილს ადანაშაულაებენ. შემთხვევის ადგილზე პოლიციის სამმართველოს უფროსის მოადგილე გიორგი კლიმიაშვილიც იმყოფებოდა.
აქციის მონაწილეები სოფლის მეურნეობის მინისტრის, ოთარ დანელიას გუშინდელ განცხადებას აპროტესტებენ, რომლის მიხედვითაც, ყურძნის არსებული ფასით გლეხი 100-პროცენტიან მოგებას იღებს. ისინი მინისტრის ადგილზე ჩასვლას და გუშინდელ განცხადებაზე განმარტებას ითხოვენ.
ამ დროისთვის თეთრი ყურძნის ფასი 60, ხოლო საფერავის 85 თეთრია. აქციის მონაწილეები კახეთში ოთარ დანელიას ჩასვლას ითხოვენ. გურჯაანის გლეხების პროტესტს ლაგოდეხელი მევენახეებიც შეუერთდნენ
