ნატოს გენერალური მდივნის პრესსპიკერის ჯეიმს აპატურაის განცხადებით, რუსეთის მხრიდან ალიანსის გაფართოების ეროვნულ საფრთხედ აღქმა ანაქრონიზმია.
"რუსეთმა თავის ახალ სამხედრო დოქტრინაში ჩრდილო-ატლანტიკური ალიანსის გაფართოების პროცესი ქვეყნის საშინაო საფრთხედ შეაფასა, რაც ანაქრონიზმია", - აღნიშნა აპატურაიმ.
თუმცა, მან აქვე დასძინა, რომ რუსეთის სამხედრო დოქტრინაში მათი ალიანსთან პარტნიორობისა და თანამშრომლობის განვითარებაზეც არის საუბარი, რაც გარკვეულწილად, ბალანსს შექმნის.
