ე.წ. კორტების სპეცოპერაციის საქმის სასამართლო პროცესზე ბრალდებულმა ყოფილმა მარალშინოსნებმა მოწმე კობა გოგატიშვილს შეკითხვები დაუსვეს.
კერძოდ, ირაკლი ფირცხალავა დაინტერესდა - პროკურატურაში თავად გამოცხადდა თუ პოკურორებმა დაიბარეს ჩვენების მისაცემად, რაზეც მოწმემ უპასუხა, რომ პროკურორებმა დაიბარეს.
ბრალდებულმა გიორგი ცააძემ კი მოწმეს შემდეგი სიტყვებით მიმართა: „გარეთ ჩვენი ძმაკაცები რომ არიან, იმათი არ გეშინია?“ პროკურატურას კი მიმართა: „ეს არის თქვენი მოწმე, ამის დედა ვატირე?“.
თბილისის საქალაქო სასამართლოში ბრალდების მოწმე კობა გოგატიშვილმა 2006 წლის 2 მაისს ჩატარებული ე.წ. კორტების სპეცოპერაცია გაიხსენა, რომელსაც იგი შეესწრო. გოგატიშვილის თქმით, მანქანას, რომელიც კორტების ტერიტორიაზე მოძრაობდა, სპეცრაზმელები ესროდნენ. მანქანიდან კი სროლა არ განხორციელებულა. მისივე თქმით, საკონტროლო გასროლა ცააძემ განახორციელა.
