კლუბ „ვიტამინის“ მენეჯერის ლიკა კიკიანის დაზარალებულად ცნობის საკითხი უახლოეს დღეებში გადაწყდება, - ამის შესახებ კიკიანის ადვიკატმა ლევან ვეფხვაძემ პროკურატურიდან გამოსვლის შემდეგ განაცხადა, სადაც მისი დაცვის ქვეს მყოფი დღეს დამატებით დაიკითხა.
ადვოკატის განმარტებით, ექსპერტ მაია ნიკოლეიშვილს აღწერილი აქვს ყველა ის დაზიანება, რაც ლიკა კიკიანს აღენიშნებოდა და დღეს კითხვები იყო დაზიანების მიყენების დროზე, ხანდაზმულობაზე და ა.შ.
რაც შეეხება დაზარალებულად ცნობის საკითხს, ვეფხვაძე აცხადებს, რომ განცხადება თბილისის პროკურორის მიხეილ შაყულაშვილის სახელზე დღეს შეიტანეს და პასუხი ხვალ ან ზეგ გახდება ცნობილი.
კლუბ „ვიტამინის“ თანამშრომელი სამართალდამცველებს ცემაში ადანაშაულებს. ინციდენტი შინაგან საქმეთა სამინისტროს გენერალურმა ინსპექციამ შეისწავლა. შსს-ს ინფორმაციით, სამართალდამცველთა მხრიდან კიკიანზე ფიზიკური ძალადობის ფაქტი არ დაფიქსირდა.
მოგვიანებით, საქმეზე ძიება, კიკიანის მიმართვის საფუძველზე, მთავარმა პროკურატურამ დაიწყო. გოგონა საგამოძიებო უწყებაში გუშინ, რამდენიმე საათის განმავლობაში იკითხებოდა.
