საბერძნეთში საბანკო არდადეგები გრძელდება. პრემიერი ციპრასი ბანკების გახსნის პირობას რეფერენდუმის შემდეგ იძლეოდა, თუმცა მოსახლეობა საბანკო მომსახურებით ამ დრომდე ვერ სარგებლობს. დაუზუსტებელი ინფორმაციით, ბანკებმა მუშაობა ხვალიდან უნდა განაახლოს, რასაც ათენი ოფიციალურად ჯერჯერობით არ ადასტურებს. ბერძნულმა ბანკებმა ფუნქციონირება მას შემდეგ შეწყვიტა, რაც ფინანსური კრიზისის გამო პანიკაში ჩავარდნილმა მოსახლეობამ ბანკებიდან თანხების მასობრივად გატანა დაიწყო.
