საერთაშორისო სავალუტო ფონდი ათენს დაფინანსებაზე უარს ეუბნება. ამის შესახებ ფინანსური დონორის ოფიციალურ განცხადებაშია ნათქვამი. ფონდის დირექტორთა საბჭო განმარტავს, რომ საბერძნეთმა საერთაშორისო კრედიტორებისთვის მილიარდნახევრიანი ტრანშის გადახდის შესაძლებლობა ხელიდან გაუშვა, რის გამოც ქვეყნისთვის შემდგომი ფინანსური დახმარება შეუძლებელია. იმ შემთხვევაში, თუ ციპრასის მთავრობა დონორებთან შეთანხმებას ვერ მიაღწევს, ტექნიკური დეფოლტის შემდეგ ქვეყანას ევროზონიდან გარიცხვაც ელის.
