საბერძნეთის პრემიერ-მინისტრ ალექსის ციპრასსა და გერმანიის კანცლერ ანგელა მერკელს შორის სატელეფონო საუბარი შედგა.
ამის სესახებ ინფორმაციას "ბიბისი" ავრცელებს. მედიის ცნობით, ლიდერები შეთანხმდნენ, რომ ხვალ ათენი ევროზონის სამიტზე ახალი წინადადებით წარდგება. თუ რა წინადადებაზეა საუბარი, ჯერ უცნობია.
ევროკავშირის ლიდერები 7 ივლისს საგანგებო სამიტს გამართავენ და საბერძნეთის კრიზისზე ისაუბრებენ. სავარაუდოდ, ხვალ გახდება ცნობილი თუ როგორ განვითარდება მოვლენები და რაზე შეთანხმდებიან საბერძნეთისა და ევროზონის ლიდერები.
