უკრაინის პრეზიდენტის პეტრო პოროშენკოს გადაწყვეტილებით, უკრაინის სამხედრო-საზღვაო ძალების მთავარი ცენტრი ოდესის ოლქში განთავსდება,- ამის შესახებ უკრაინულ მედიასთან საუბრისას ოდესის ოლქის გუბერნატორმა მიხეილ სააკაშვილმა განაცხადა.
როგორც სააკაშვილმა აღნიშნა, შტაბი პროფკავშირების ყოფილ შენობაში განთავსდება.
"პრეზიდენტმა მიიღო გადაწყვეტილება, რომ ოდესა გახდება ქალაქი, სადაც განთავსდება უკრაინის სამხედრო-საზღვაო ძალები. ამისათვის საჭიროა მოვნახოთ სამხედრო-საზღვაო ძალების შტაბისთვის შესაფერისი შენობა. ჩვენ გადავწყვიტეთ, რომ შტაბი პროფკავშირების შენობაში განთავსდეს",-განაცხადა მიხეილ სააკაშვილმა.
აღსანიშნავია, რომ უკრაინაში სამხედრო-საზღვაო ძალების დღე აღინიშნება. საზეიმო ღონისძიებაზე, რომელიც ოდესაში იმართება, ოლქის გუბერნატორიც იმყოფება.
