ახალ საპატრულო პოლიციაში მოვიდნენ წესიერი ადამიანები, რადგან მთელი ეს სისტემა არის მართებულად და სწორად აგებული.

ჩვენ შევკრიბეთ ხალხი, რომელთაც შეუძლიათ პატივი სცენ საკუთარ თავსაც და სხვებსაც,

უკრაინაში შეიძლება ისეთი პოლიციის შექმნა, რომელიც არ იქნება კორუმპირებული და რომელიც მოემსახურება და დაეხმარება ხალხს.

ამის შესახებ უკრაინის შინაგან საქმეთა მინისტრის მოადგილე და უკრაინის საპატრულო პოლიციის შემქმნელი ეკა ზღულაძე ჟურნალ ,,ნოვოე ვრემიასთვის” მიცემულ ინტერვიუში საუბრობს.

,,ვიღაც, ალბათ, ფიქრობს, რომ ეს ერთგვარი ფასადური რეფორმაა. პოლიციელებს ლამაზად ჩააცვეს, სასწრაფოდ რაღაც ასწავლეს, აქ ამერიკელები დარბოდნენ... ეს ასე არ არის.

წარმოიდგინეთ, რომ თქვენ აშენებთ სახლს, რა თქმა უნდა, დაიწყებთ ფუნდამენტიდან. პოლიცია ქუჩებში - ეს არის სისტემის ფუნდამენტი.” - განუცხადა ეკა ზღულაძემ ჟურნალის კორესპონდენტს.

მისი თქმით, უახლოეს დროებში შინაგან საქმეთა სამინისტრო უბნის ინსპექტორებისა და სპეციალური ქვედანაყოფების სისტემის შეცვლასაც დაიწყებს.

,,ჩვენ კომპლექსურად ვმოქმედებთ და სრულიად ახალ სტრუქტურებს ვქმნით, სადაც ხალხი სამუშაოდ მოდის. ამასთან, არამხოლოდ კარგი ხელფასის, არამედ გუნდთან ურთიერთობის გამო.” - აღნიშნა ზღულაძემ.

ჟურნალისტის კითხვაზე, უნდა ატაროს თუ არა პოლიციამ ქუჩაში იარაღი, ზღულაძის პასუხი ასეთია: ,,დიახ, უნდა ატაროს, რათა დაიცვას სხვაც და საკუთარი თავიც.”