ადამიანზე ვეფხვის თავდასხმის ფაქტზე საქმე სამსახურებრივი გულგრილობის მუხლით აღიძრა, - განაცხადა მთავარმა პროკურორმა გიორგი ბადაშვილმა საგანგებო სხდომაზე განაცხადა, სადაც მან პრემიერისგან მიიღო დავალება, მომხდარზე ძიება დაიწყოს და ფაქტის სამართლებრივი შეფასება მოხდეს.
„გამოძიება საქართველოს პროკურატურის მიერ დაწყებულია მყისიერად. შემთხვევის ადგილზე გაშვებულია როგორც გამომძიებლები, ასევე პროკურორები.
ტარდება პირველადი გადაუდებელი საგამოძიებო მოქმედებები. რა თქმა უნდა, ფაქტი იქნება შესწავლილი. სისხლის სამართლის დანაშაული იქნება გამოძიებული. დაწყებულია გამოძიება სამსახურებრივი გულგრილობის ფაქტზე, შესაბამისად, ტარდება ყველა ის გადაუდებელი საგამოძიებო ღონისძიება, რომელიც მოგვცემს საშუალებას ობიექტურად ვისაუბროთ, თუ რა მიზეზობრივი კავშირით მოხდა ეს დანაშაული, ეს უბედური შემთხვევა“, - განაცხადა გიორგი ბადაშვილმა.
დღეს „ლაგუნა ვერეს“ ტერიტორიაზე სტიქიის დროს ზოოპარკიდან გამოქცეული ვეფხვი მოქალაქეს თავს დაესხა და მოკლა.
