ბიზნესმენ ბესარიონ ხარძიანის მკვლელობისთვის, პროკურატურა ეროვნებით ჩეჩენ მამაკაცს ეძებს. ,,პირველი რადიო” მკვლელის სავარაუდო ფოტოსაც აქვეყნებს, რომელიც ე.წ. ბარნოვის ხიდზეა გადაღებული.
ფოტოებში ჩანს, რომ კიბეებზე ჩასვლისას, პიროვნება იხდის შავი ფერის ქურთუკს და მას მეორე მხრიდან - ლურჯი ფერის მხრიდან იცვამს. გავრცელებული ინფორმაციით, 2 აპრილს ხარძიანს სწორედ შავ ქურთუკში ჩაცმულმა მამაკაცმა ესროლა.
,,პირველი რადიო” ინფორმაციით, მან საქართველო თბილისი-კიევის რეისით დატოვა.
ფოტომასალის არსებობის შესახებ ინფორმაცია არ აქვთ გარდაცვლილი ბიზნესმენის დას და ოჯახის ადვოკატს.
ბიზნესმენს, 28 მარტს, საკუთარი სახლის სადარბაზოსთან ესროლეს. ხარძიანი მრავლობითი ცეცხლნასროლი ჭრილობებით გადაუდებელი მედიცინის ცენტრში დაიღუპა.
პროკურატურაში აღნიშნულ ფაქტთან დაკავშირებით შეიქმნა სპეციალური საგამოძიებო ჯგუფი, რომელიც დაკომპლექტდა როგორც მთავარი პროკურატურის საგამოძიებო ნაწილის, ასევე ქ. თბილისის პროკურატურის პროკურორ-გამომძიებლებით.
გამოძიება სისხლის სამართლის კოდექსის 108-ე მუხლით გრძელდება, რაც გულისხმობს განზრახ მკვლელობას.
