საქართველოს უზენაეს სასამართლოში საერთო სასამართლოების ახლადგამწესებულ მოსამართლეთა ფიცის დადების ცერემონია გაიმართა.
ცერემონიას საპატიო სტუმრების სტატუსით დაესწრნენ დელეგაციის წევრები ნიდერლანდების სენატიდან, სენატის თავმჯდომარე ანკი ბროქერს-ნოლის ხელმძღვანელობით.
ფიცის დადების ცერემონიას ასევე ესწრებოდნენ: იუსტიციის უმაღლესი საბჭოს წევრები, უზენაესი სასამართლოს მოსამართლეები და სასამართლო სისტემაში ახლადგამწესებული სხვა მოსამართლეებიც.
უზენაესი სასამართლოს თავმჯდომარე ნინო გვენეტაძემ მიულოცა ახლადგამწესებულ მოსამართლეებს ამ მაღალ თანამდებობაზე დანიშვნა.
„მე ვიქნები თქვენს გვერდით და დავიცავ თქვენს უფლებებს, მაგრამ ამავე დროს ვიქნები ძალიან მკაცრი და მომთხოვნი, რათა ჩვენს საზოგადოებას ჰქონდეს მიუკერძოებელი და დამოუკიდებელი მართლმსაჯულება“_განაცახდა გვენეტაძემ.
უზენაეს სასამართლოში ფიცი დადო შვიდმა მოსამართლემ, რომლებიც იუსტიციის უმაღლესი საბჭოს 2015 წლის 26 აპრილის გადაწყვეტილებით, საქართველოს საერთო სასამართლოებში გამწესდნენ მოსამართლეებად.
ფიცის დადების ცერემონიის შემდეგ ნინო გვენეტაძემ ნიდერლანდების სენატის წარმომადგენლებთან შეხვედრა გამართა.
