ფრაქცია ,,ქართული ოცნების” თავმჯდომარე გიორგი ვოლსკი აცხადებს, რომ პრეზიდენტმა მისთვის მინიჭებული საკონსტიტუციო უფლება გამოიყენა. თუმცა, დეპუტატი ,,ჯი-ეიჩ-ენთან” საუბარში აცხადებს, რომ დამატებითი ერთი კვირის განმავლობაში დაგეგემილი კონსულტაციების რეჟიმში, მთავრობის შემადგენლობაში სხვა ცვლილებეს არ ელოდებასამთავრობო გუნდს განახლებას დამატებით არ ელოდება.
,,პრეზიდენტის გადაწყვეტილება მისი საკონსტიტუციო უფლებაა, ჩვენ მზად ვიყავით დღესაც განგვეხილა მთავრობის ახალი შემადგენლობა და თუ ეს ერთი კვირის შემდეგ იქნება, მზად ვართ მაშინ განვიხილოთ. Aამ შემთხვევაში პრეზიდენეტის ქმედების მოწონება არ მოწონებაზე არაა საქმე, არსებობს კონსტიტუცია, კანონი და კონსტიტუციასა და კანონს დამორჩილებული ინსტიტუტები, მათ შორის პრეზიდენტი, პრემიერი და პარლამენტი”, -აცახდებს ვოლსკი.
კითხვაზე - მოსალოდნელია თუ არა, ერთი კვირის განმავლობაში გამართული კონსულტაციების შემდეგ მინისტრთა კაბინეტის შემადგენლობა დამატებით კიდევ განახლდეს, ვოლსკი აცხადებს:
,,უნდა ველოდოთ თუ არა, შესაძლო კიდევ სხვა ცვლილებებს, მე პირადად ამას არ ველოდები”.
რაც შეეხება იმას, განაპირობა თუ არა პრეზიდენტის გადაწყვეტილება, მთავრობის ეკონომიკურ გუნდში ცვლილებების საჭირორებამ, - ვოლსკი განმარტავს:
,,რაღაც ფიქრები, ვარაუდები, ამ სიტუაციას არ შეეფერება. არ მიმაჩნია, რომ ეკონომიკური გუნდი გადახალისებას საჭიროებს”.
შეგახსენებთ, პრეზიდენტმა პრემიერს ერთკვირიანი ვადა მისცა რათა მინისტრთა კაბინეტის ახალ წევრებზე მშვიდად შეჯერდნენ.
