კოალიცია ,,ქართული ოცნების” წევრი თინა ხიდაშელი აცხადებს, რომ მისთვის გარემოს დაცვის მინისტრის ელგუჯა ხოკრიშვილის გადაწყვეტილება მოულოდნელი იყო.
მისი თქმით, ხოკრიშვილის გადაწყვეტილება ,,ქართული ოცნების” გუშინდელ პოლიტსაბჭოს სხდომას არ უკავშირდება.
,,გუშინდელი ,,ქართული ოცნების” პოლიტსაბჭოს სხდომა გარემოს დაცვის მინისტრის გადადგომასთან არაფერ კავშირში არ არის. Mამის შესახებ, არ ვიცოდი, ჩემთვის აბსოლუტური სიურპრიზი იყო, ვწუხვარ. ვფიქრობ, ელგუჯა იყო ყველაზე წარმატებული აღმოჩენა ქართული პოლიტიკური სპექტრისთვის”, _განაცხადა ხიდაშელმა ჟურნალისტებთან საუბრისას.
გარემოსა და ბუნებრივი რესურსების დაცვის მინისტრმა პრემიერ-მინისტრს თანამდებობიდან გადადგომის თხოვნით მიმართა. როგორც სამინისტროს მიერ გავრცელებულ განცახდებაშია აღნიშნული ამის მიზეზი ოჯახური მდგომარეობა გახდა.
