სახალხო დამცველი უჩა ნანუაშვილი ოფიციალური ვიზიტი ამერიკის შეერთებულ შტატებში იმყოფება.
ვიზიტის ფარგლებში ომბუდსმენმა ვაშინგტონში შეხვედრები გამართა საერთაშორისო რესპუბლიკური ინსტიტუტის, ატლანტიკური საბჭოს, კარნეგის მშვიდობის ცენტრისა და სოლიდარობის ცენტრის წარმომადგენლებთან.
სახალხო დამცველმა საერთაშორისო ორგანიზაციების წარმომადგენლებს მიაწოდა ინფორმაცია საქართველოში ადამიანის უფლებათა და ძირითად თავისუფლებათა შესახებ. ომბუდსმენმა ყურადღება გაამახვილა ამ კუთხით ქვეყანაში პოზიტიურ ტენდენციებსა და არსებულ გამოწვევებზე.
„ამერიკის შეერთებული შტატებში დაინტერესებული არიან საქართველოში მიმდინარე პროცესებით და კერძოდ, ადამიანის უფლებების დაცვის მდგომარეობით, რის შესახებაც ჩვენ დეტალური ინფორმაცია მივაწოდეთ, – განაცხადა შეხვედრების შემდეგ უჩა ნანუაშვილმა.
განსაკუთრებული დაინტერესება გამოიწვია ანტიდისკრიმინაციული კანონის მიღებისა და იმპლემენტაციის პროცესმა, კონფლიქტურ რეგიონებში ადამიანის უფლებათა მდგომარეობამ და მართლმსაჯულების რეფორმის მიმდინარეობამ საქართველოში. შეხვედრებზე ხაზი გაუსვეს ასევე, შრომის ინსპექციის შექმნის აუცილებლობასა და საქართველოში შრომის უფლებების ეფექტურ რეალიზაციას.
„საქართველოში შრომის ინსპექციის გაუქმება არ შეესაბამება საერთაშორისო კონვენციის მოთხოვნებს, აქედან გამომდინარე მნიშვნელოვანია ამ ინსტიტუციის აღდგენა, რამაც უნდა უზრუნველყოს საქართველოში შრომის უფლებების იმპლემენტაციზე ზედამხედველობა. ამ პროცესში მნიშვნელოვნად მიგვაჩნია სახალხო დამცველის ჩართულობა“, – განაცხადა სოლიდარობის ცენტრის ევროპისა და შუა აზიის რეგიონული პროგრამის ხელმძღვანელმა რუდი პორტერი.
სახალხო დამცველი ამერიკის შეერთებულ შტატებში ვიზიტს აგრძელებს.