მერიის კეთილმოწყობის სამსახურის ხელმძღვანელი, თბილის მერის მოადგილის გადადგომის შესახებ გავრცელებულ ინფორმაციას არ ადასტურებს
თბილისის მერიის კეთილმოწყობის სამსახურის ხელმძღვანელი, ავთანდილ სუდაძე თბილისის ვიცე-მერისა და მერის მოადგილის გადადგომის შესახებ გავრცელებულ ინფორმაციას არ ადასტურებს.
„ეს ინფორმაცია პირველად მოვისმინე თქვენთან, მსგავსი ინფორმაცია არ მაქვს. ბატონი გუგა, ბატონი ალეკო და მე გუშინ ერთად სამუშაო რეჟიმში ვმუშაობდი. მოსალოდნელ გადადგომაზე ვერაფერს ვიტყვი, ალბათ ეს არის ჭორი,“ - აცხადებს სუდაძე.
შეგახსენებთ, ვრცელდება ინფორმაცია თბილისის მერის მოადგილეების ალექსანდრე მარგიშვილისა და გიორგი ხელაიას თანამდებობიდან გადადგომის შესახებ.
